Iver Kleive og Knut Reiersrud

To av landets mest meritterte musikarar skal avslutta musikkfestivalen 2010.

Det er snart tjue år sidan duoen Kleive/Reiersrud spelte inn CD-en "Blå Koral" i Odense Domkirke. Denne plata var ein syntese av europeisk orgelmusikk, gamle norske religiøse folketonar og korsangen i dei svarte baptistkyrkjene i sørstatane.

Samarbeidet har resultert i fleire utgjevingar. I 2000 kom "Den signede dag" som var ein hyllest til den Danske Salme og Nikolai Grundtvig. I 2006 kom "Nåde over nåde" som stort sett inneheld religiøse folketonar.

Prosjekta til Kleive og Reiersrud har vore ein lang suksess, og det kan presseomtalane stadfesta. Her er nokre: "Opphøyet orgelspill og jordnære gitarer. Fordomsfrie tolkninger av salmer og religiøse folketoner." "En sammenhengende musikalsk triumf" (Puls), "Fortjener de helt store lovordene" (Dagbladet), "Oser av kvalitet" (Adresseavisen).

 

© 2010 Rosendal Musikkfestival • Design og nettsider: Salikat Design