PRESSEMELDING

Rosendal Musikkfestival 2010
28.-30. mai

Festivalnemnda er stolte over å kunna presentera eit svært variert og breitt program for årets festival som finn stad 28.-30. mai. Det blir alt frå kyrkjemusikk til pop og rock. Frå jazz og blues til pop og rock og korps og viser. Det blir folkefest i Skålafjøro og kunstutstillingar. Med andre ord noko for alle – både barn, unge og vaksne – uansett musikksmak!

Først ut er Helene Bøksle i samfunnshuset. Ho er aktuell både med juleplate, og ny CD no på nyåret. Helene slo gjennom i 2006 med plata Elverhøy, som vart ein kjempesuksess. Sidan har det berre gått oppover – med gullplater og fleire nominasjonar til spelemannsprisen. Vi kan lova ei vakker oppleving i Samfunnshuset. “Ei stemme som kan smelte is” heiter det i pressa. www.heleneboksle.no

Festivalen held fram ungt og friskt med gruppa Narum frå Toten. Tre søsken som har funne ein felles stemme – mellom anna med bakgrunn frå Hellbillies. “Neil Young på Totensk” er ein karakteristikk dei har fått. Terningkast seks i Dagbladet etter by:larm i Oslo no i februar – og nominasjon til årets spellemann. www.myspace.com/narummusikk

Laurdagen er det som vanleg opning av festivalutstillingane - Alf Ertsland i Galleri Rosendal kl. 11 og Gabrielle Kielland på Galleri G. Guddal kl. 12.

Når det gjeld folkefesten vert det ein del endringar i forhold til tidligare år. Vi flyttar arrangementet frå Skålagato til Skålafjøro – og programmet vert kraftig utvida. I Skålafjøro vil vi ha telt med konsertscene – og det vil gå slag i slag med konsertar og underhaldning frå kl. 11.30 til 21.

Det startar som vanleg med Rosendal Musikklag som opnar det heile. Deretter vil vi få innslag med Rosendal songlag m/jazzverket. Vi får og innslag med elevar ved Kulturskulen. Det blir barne- og familiekonsert med Mads Berven trio. Musikarar på aller øvste hylle - som og har laga mykje musikk for born.

Løvlands alle kjem til Rosendal frå Evje. Dei debuterte med single i 2009. www.lovlandsalle.no

Bluebones og fleire andre innslag vert det og. Meir detaljar om arrangementet i Skålafjero kjem på heimesida vår.

Vi får ein heidundrande avslutning på festen i Skålafjero med det energiske Vetrhus bluesband. www.bluesband.no

I Samfunnshuset kl. 18 bir det ein dobbeltkonsert som nok særleg vil vera populær blant dei unge. Dei to duoane Erik og Kriss, og Robin og Bugge er kjende namn i den yngre generasjonen. Banda er kjende for humor, morosame tekstar og fengjande refreng - og vert i dag sett på som nokre av dei beste “live acts” i landet. www.erikogkriss.no - www.robinogbugge.no

På Rosendal turisthotell kjem ei levande blues-legende. Ingen ringare enn Reidar Larsen – med ein fersk spellemann-statue i bagasjen! www.reidarlarsen.com

På Samfunnshuset får vi nattdans med ekte danseglede! Anne Nørdsti er kanskje Noregs ukrona danseband-dronning – og her blir det dansefest med full svingom på dansegolvet. Ho var og nominert til årets spelemann. www.annenordsti.no

På søndagen blir det to konsertar. Først får vi konsert med den unge og lovande Vegard Døssland frå Uskedalen. Berre 16 år – men med ambisjonar!

Sundag kveld får vi ei verdig avslutning for festivalen i Kvinnherad Kyrkje. Eit snart 20 år langt samarbeid mellom Iver Kleive og Knut Reiersrud har gitt oss noko av det vakraste som har blitt produsert når det gjeld salmer og religiøse folketonar. Vi ser fram til å få oppleve dette i Rosendal. www.snl.no/Iver_Kleive www.knutreiersrud.no

Billettsalet opnar 27. april.

Festivalen vil ha "levande" nettsider - som vil halda publikum oppdatert. Her vil det og vera konkurransar, der ein kan vinna billettar.

Har du spørsmål? Ta gjerne kontakt med Bjarne Øymyr - 917 30 817 post@rosendalmusikkfestival.no

Rosendal musikkfestival finn du og på Facebook.

Har du spørsmål? Ta gjerne kontakt med Bjarne Øymyr (PR-ansv. - 917 30 817) eller Morten Nygård (Festivalleiar - 971 13 075) - eller send mail til post@rosendalmusikkfestival.no

 

© 2010 Rosendal Musikkfestival • Design og nettsider: Salikat Design